近來很忙，但我忙得很開心，
因為係自己想做既事，
最少唔係逼自己做一啲唔喜歡既事，
有時間都會諗，究竟興趣同麵包，
你會揀邊樣？
我好享受飛既時候既感覺，
因為有時候與世隔絕一下係幾好既事，
唔使覆whatsapp，唔使處理好多問題，
不過我發覺自己更喜歡既，
係到每個唔同地方既感覺，
我喜歡係發掘新地方，因為每一度都有新既體驗。
大家呢輪好熱烈討論經濟情況，
係，大家都真係崖得好辛苦，
我個日經過x記包店，見到做經理都有28000，
我立即有反思自己係度做緊乜，
路難行，不過我相信，肯去轉型會有出路，
再繼續去等疫情散去，咁留係屋企唔係辦法。
我相信每一件事，都會係有一個令我地學習既地方，
反而呢排我學識左點樣去訓練自己既eq，
點樣去靠自己唔好靠人，因為到頭黎，
最幫到自己個個，一定係自己。
就正如我相信，一個成日開口埋口話自己唔會hard time人既人，
一定係hard time人最勁既人，
一個話自己好easy going既人，一定最唔easy going，
因為一個人好唔好，勁唔勁，叻唔叻，
係人地去稱讚，唔係自己講，
謙卑，係無論我地賺到幾多錢，係最需要學會既事。
呢個疫情，我又學左一個新技能。
我艾豬：https://www.instagram.com/a.drewy/
Search